Mu mpera z’icyumweru gishize, Akarere ka Nyarugenge kizihije Umunsi wahariwe Imbonezamikurire y'abana bato (ECD day). Iki gikorwa cyabereye mu murenge wa Mageragere kikaba kandi cyarahuriranye n’Umunsi wo gutangiza Ku mugaragaro ubukangurambaga bwa Mituweri(2026-2027) mu Karere Ka Nyarugenge n'Umunsi mukuru wa Malayika murinzi. 

Ibyaranze uyu munsi:

- Gusoza Icyumweru cyahariwe Ingo mbonezamikurire 

- Kuremera imiryango 27  ifite abana bari mu mirire mibi inkoko n'ihene aho umwana yahabwaga inkoko igomba kumuterera amagi naho Umubyeyi agahabwa ihene igomba kumufasha kubona ifumbire akoresha mu murima w'igikoni.

- Guha ECDs 28 ibikoresho birimo imikeka n'amasafuriya 

- Kugaburira abana indyo yuzuye no gutoza ababyeyi bose gutegura indyo yuzuye no kuyigaburira abana babo.

- Ibiganiro bigaruka kuri service za ECD n'icyo zimariye abaturage, umuryango n'igihugu muri rusange.

- Gutangiza ku mugaragaro ubukangurambaga bwa Mituweri (2026-2027)

- Gukora igitaramo gikangurira abaturage kwishyura ubwisungane mu kwivuza no kwitabira service zose za ECDs

- Kwizihiza Umunsi mukuru wa Malayika murinzi.

Muri iki gikorwa ababyeyi bashishikarijwe gutegura neza indyo yuzuye, kujyana abana muri ECD kuko bahabonera service zikomatanyije no kwitabira ibikorwa bya Malayika murinzi. 

Iki gikorwa kandi cyitabiriwe n’Abafatanyabikorwa b'Imena muri service za ECD aribo:Caritas -Rwanda,RCR, na PAE  akaba ari nabo bafatanyije n’Akarere mu bugenzuzi butandukanye bwakozwe no gutanga amatungo n'ibikoresho