GAHUNDA YO KWITA KU RUBYIRUKO MU BIRUHUKO YATANGIRIJWE KURI CLUB RAFIKI

Gahunda yo kwita ku rubyiruko mu biruhuko”, yateguwe hagamijwe kubungabunga ubuzima bwabo, kubatoza ibiranga umuco w’u Rwanda, gukina no kuzamura impano zabo, kubatoza imyitwarire myiza, gukunda ishuri no gukunda umurimo ndetse no kubarinda kujya mu ngeso mbi.

⁠Ku rwego rw’Akarere; iyi gahunda yatangirijwe ku mugaragaro mu Murenge wa  Rwezamenyo, kuri Site y’Icyitegererezo ya Club-Rafiki mu cyumweru gishize Tariki 24 Nyakanga 2026.

Umushyitsi mukuru kuri iyi Site Club Rafiki yari Umuyobozi Nshingwabikorwa w’Akarere ka Nyarugenge Bwana Ingangare Alexis wasabye urubyiruko gukoresha aya mahirwe bahawe bakiga ibiranga umuco w’u Rwanda, bagakuza impano zabo, bagatozwa imyitwarire myiza tutibagiwe no kubarinda kujya mu ngeso mbi nko kunywa inzoga, ibiyobyabwenge n’izindi ngeso mbi.

Kuri Sites zose; gutangiza iyi gahunda byaranzwe n’ibiganiro, imikino itandukanye, ubutumwa bw’Abayobozi, ndetse n’imyadagaduro.

Ubwitabire bwari hejuru: 

Urubyiruko rw’abahungu: 10,480

Urubyiruko rw’abakobwa: 9,725

Bose hamwe: 20,205

Iyi gahunda izamara ukwezi (25/07-28/08/2026), izajya ikorerwa kuri Sites 37 ziherereye mu Tugari twose tugize Akaree kacu ka Nyarugenge.